ᐱᓇᓱᒐᖅ: ᐃᓄᐃᑦ ᓄᓇᕕᒻᒥ ᖃᐅᔨᓴᕐᓂᓄᑦ ᐃᒫᙰᕐᑎᖏᑦ
ᐊᖓᔪᕐᖄᖃᕐᓗᓂ: ᐊᑕᓐᓂᐅᕕᒃ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᓐᓂᑦ, ᐊᒻᒪᓗ ᐱᒋᐊᕐᑎᓯᓂᕐᒧᑦ ᑲᒪᔨᒻᒪᕆᒥᒃ ᐅᑎᕐᐸᑦ ᐱᓇᓱᒐᕐᒥᓄᑦ. ᐃᓄᐃᑦ ᖃᐅᔨᓴᕐᓂᓄᑦ ᐃᒫᙰᕐᑎᖏᑦ ᐱᓇᓱᖃᑎᖃᕐᓂᐊᒥᔪᑦ ᐃᓇᖏᕐᑎᖓᓂᒃ ᐱᒋᐊᕐᑎᓯᔪᒥᒃ ᑲᒪᔨᒻᒪᕆᒥᒃ ᐊᑕᓐᓂᐅᕕᐅᑉ ᑲᔪᓯᓕᕐᑎᑕᐅᓂᖓᓄᑦ ᐱᓇᓱᑦᑎᖏᓐᓂᑦ.
ᓇᓃᓐᓂᖓ: ᓇᓪᓕᑐᐃᓐᓇᖏᓐᓂ ᓄᓇᕕᒻᒥ ᓄᓇᓕᖓᓂ, ᒪᓐᑐᕆᐊᓪ, ᐅᕝᕙᓗᓐᓃᑦ ᐅᖓᓯᑦᑐᒥᓪᓗᓂ ᐊᓪᓚᕕᒻᒧᑦ
ᑭᓇᒃᑰᓂᕗᑦ:
ᐊᑕᓐᓂᐅᕕᒃ ᓄᑖᖑᓗᓂ ᓄᓇᕕᒻᒥ ᖃᐅᔨᓴᕐᓂᓂ ᐊᐅᓚᑦᓯᔨᐅᓂᐊᕐᑐᖅ ᑎᒥᐅᓗᓂ ᓯᕗᓕᕐᑕᐅᓗᓂ ᐃᓄᓐᓄᑦ, ᐃᓄᓐᓅᓕᖓᓗᓂ ᐊᑕᓐᓂᐅᕕᒃ, ᐅᑭᐅᕐᑕᑐᒥ ᐃᑦᔭᕋᑦᓴᓯᐊᓂ ᐃᓕᑕᕆᔭᐅᒍᑎᑖᕐᓯᒪᔪᖅ, ᐱᓇᓱᖃᑎᖃᕐᓱᓂ ᐊᒥᓱᓂ ᓄᓇᓕᓕᒫᓂ ᑎᒥᐅᔪᓂ. ᐊᑕᓐᓂᐅᕕᐅᑉ ᐱᓇᓱᑦᑎᖏᑦ ᐱᒋᐊᕐᑎᑕᐅᓂᑦᓴᖓᓂᑦ 2025ᖑᓕᕐᐸᑦ ᐱᓇᓱᐊᕈᑎᖃᕐᖁᑦ.
ᐱᓇᓱᒐᐅᑉ ᖃᓄᐃᑦᑑᓂᖓ:
ᐃᓄᐃᑦ ᓄᓇᕕᒻᒥ ᖃᐅᔨᓴᕐᓂᓄᑦ ᐃᒫᙰᕐᑎᖏᑦ ᐱᑐᑦᓯᒪᒍᑎᓪᒪᕆᐅᓂᐊᕐᖁᖅ ᓄᓇᕕᒻᒥ ᓄᓇᓕᖏᓐᓂᑦ, ᑎᒥᐅᔪᓂᑦ, ᖃᐅᔨᓴᕐᑎᓂᓗ ᐃᓄᐃᑦ ᓄᓇᕕᒻᒥ ᖃᐅᔨᓴᕐᓂᓄᑦ ᐃᒫᙰᕐᑎᖏᑦ ᓄᓇᓕᓕᒫᓂ ᐱᒍᑦᔨᔨᐅᓗᓂ ᐃᑲᒧᕐᓯᓗᓂᓗ ᐃᓄᐃᑦ ᓇᒻᒥᓂᖅ ᖃᓄᐃᓕᖓᒍᒪᓂᖏᓐᓂᑦ ᖃᐅᔨᓴᕐᓂᓄᓕᖓᔪᓂᑦ. ᒫᓐᓇᓯᐅᑎᒥᒃ, ᓄᑖᖅ ᐃᓄᐃᑦ ᓄᓇᕕᒻᒥ ᖃᐅᔨᓴᕐᓂᓄᑦ ᐃᒫᙰᕐᑎᖏᑦ ᓄᐃᑦᓯᖃᑎᐅᓚᖓᕗᑦ ᐊᑕᓐᓂᐅᕕᒻᒥᒃ. ᐊᑯᓂᕐᑐᒧᓕᖓᔪᒥᒃ, ᐃᓄᐃᑦ ᓄᓇᕕᒻᒥ ᖃᐅᔨᓴᕐᓂᓄᑦ ᐃᒫᙰᕐᑎᖏᑦ ᐱᓇᓱᖃᑎᖃᕐᓂᐊᖁᑦ ᒪᕐᕉᓂᒃ ᓄᓇᕕᒻᒦᑐᓂᒃ ᐃᓄᓐᓂᑦ ᖃᐅᔨᓴᕐᓂᓄᑦ ᐃᒫᙰᕐᑎᖏᓐᓂᒃ (ᑲᒪᒋᔭᐅᔫᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐊᒻᒪᓗ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᖏᓐᓄᑦ) ᐱᕙᓪᓕᐊᑎᑦᓯᓗᑎᑦ ᐃᓄᐃᑦ ᐊᑑᑎᒍᒪᔭᖏᓐᓂᑦ, ᑭᖕᖑᒪᒋᔭᖏᓐᓂᑦ ᐃᓱᒫᓗᑎᖏᓐᓂᓗ ᖃᐅᔨᓴᕐᓃᑦ ᐱᖁᔭᖏᓐᓂᑦ ᖃᓄᐃᓗᕈᓯᒋᓲᖏᓐᓂᓗ, ᐃᓚᐅᓂᕐᒥᒍᑦ ᓄᓇᓕᓕᒫᓂ ᑲᓇᑕᒥᓗ ᑲᑎᖕᖓᓂᕐᓄᑦ ᑲᑎᒪᓂᐊᕈᓯᕐᓄᓗ.
ᑲᒪᒋᔭᑦᓴᔭᖏᑦ:
- ᐃᑲᔪᕐᓯᓗᓂ ᐊᑕᓐᓂᐅᕕᐅᑉ ᐱᓇᓱᑦᑕᖏᓐᓂᑦ ᒪᓕᓪᓗᑎᑦ ᐊᑕᓐᓂᐅᕕᐅᑉ ᑲᔪᓯᓕᕐᑎᑕᐅᓂᑦᓴᖓᑕ ᐸᕐᓇᑕᐅᒪᒍᑎᖓᓂᑦ, ᐃᑲᔪᕐᑕᐅᓗᓂ ᐊᑕᓐᓂᐅᕕᐅᑉ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᓐᓄᑦ, ᐱᒋᐊᕐᑎᓯᔨᒧᑦ ᑲᒪᔨᒻᒪᕆᒧᑦ, ᐊᒻᒪᓗ ᓄᓇᓕᓕᒫᓂ ᖃᐅᔨᓴᕐᓂᒥᒃ ᐊᐅᓚᑦᓯᔨᒥᒃ, ᐅᑯᐊ ᐃᓚᐅᑎᓪᓗᒋᑦ:
- ᑐᑭᓯᒪᔭᐅᑎᑦᓯᓗᓂ ᐊᑕᓐᓂᐅᕕᒻᒥᒃ ᖃᐅᔨᒪᔭᐅᑎᑦᓯᓗᓂᓗ ᓄᓇᕕᒻᒥ ᓄᓇᓕᖏᓐᓄᑦ ᑎᒥᐅᔪᓄᓗ;
- ᖃᐅᔨᒪᔭᐅᑎᑦᓯᓗᓂ ᐊᑕᓐᓂᐅᕕᐅᑉ ᖃᓄᐃᓗᕆᐊᖃᕐᓂᖓᓂᒃ ᑲᒪᒋᔭᑦᓴᔭᖏᓐᓂᓗ ᐊᒻᒪᓗ ᖃᐅᔨᓴᕐᓂᒥ ᕿᒥᕐᕈᒍᓯᕐᒥᒃ ᓄᓇᓕᓐᓂ ᖃᐅᔨᓴᕐᕕᐅᔪᓂᑦ;
- ᐃᓚᐅᖃᑎᐅᓗᓂ ᐱᕙᓪᓕᐊᑕᐅᓂᖓᓄᑦ ᐊᑕᓐᓂᐅᕕᐅᑉ ᖃᐅᔨᓴᕐᓂᓄᑦ ᐱᖁᔭᖏᓐᓂᑦ ᐃᑲᔪᕐᓯᒍᑎᑦᓴᓂᓗ ᖃᐅᔨᓴᕐᓂᒥᓗ ᕿᒥᕐᕈᔨᐅᓂᐊᕐᑐᓂᑦ ᑎᒥᐅᔪᓂᑦ;
- ᐸᕐᓀᖃᑎᖃᕐᓗᓂ ᐃᓚᐅᓗᓂᓗ ᓄᐊᑦᓯᑎᓪᓗᒋᑦ, ᐊᓪᓚᓯᒪᔪᖕᖑᑎᓪᓗᒋᑦ ᑐᑭᓯᒪᔭᐅᑎᑦᓯᓂᓄᓗ ᓄᓇᕕᒻᒥ ᐃᓄᖏᓐᓄᑦ ᖃᐅᔨᓴᕐᑕᐅᖁᔭᖏᓐᓂᑦ ᓯᕗᓪᓕᐅᖁᔭᐅᔪᓂᑦ;
- ᐊᑕᐅᑦᓯᑯᑦ ᐱᓇᓱᖃᑎᒋᓗᒋᑦ ᒪᕐᕈᒋᐊᓪᓛᒃ ᐃᓄᐃᑦ ᓄᓇᕕᒻᒥ ᖃᐅᔨᓴᕐᓂᓄᑦ ᐃᒫᙰᕐᑎᖏᑦ, ᐃᓚᐅᓗᓂ ᓄᓇᓕᓕᒫᓄᑦ ᑲᓇᑕᒥᓗ ᖃᐅᔨᓴᕐᓂᓄᑦ ᑲᑎᖕᖓᓂᕐᓄᑦ, ᐱᓇᓱᖃᑎᒌᑦᑐᓄᑦ ᐱᓇᓱᑦᑕᐅᔪᓄᓗ;
- ᐃᒫᙰᑎᐅᓗᓂ ᐃᑲᔪᕐᓯᓗᓂᓗ ᖃᐅᔨᓴᕐᑎᓂᑦ ᑮᓇᐅᔭᖃᕐᑎᑕᐅᔪᓂᑦ ᐅᑭᐅᕐᑕᑐᒥ ᓱᒃᑯᓇᕐᑐᓂ ᖃᐅᔨᓴᕐᑐᓂᑦ ᐅᑭᐅᕐᑕᑐᒥ ᓱᒃᑯᓇᕐᑐᓂᑦ ᖃᐅᔨᓴᕐᑐᐃᑦ ᒪᓕᑦᓯᐊᒪᖔᑕ ᑐᕌᒐᖏᓐᓂᑦ, ᑭᖕᖑᒪᒋᔭᖏᓐᓂᑦ ᐊᒻᒪᓗ ᐊᑑᑎᓪᓚᕆᑦᑐᓂᑦ;
- ᓂᐱᒋᔭᐅᓗᓂ ᐱᒍᑦᔨᓗᓂ ᑐᓴᐅᒪᔭᐅᑎᑦᓯᓗᓂᓗ ᓄᓇᕕᒻᒥ ᐊᑑᑎᒍᒪᔭᖏᓐᓂᑦ, ᑭᖕᖑᒪᒋᔭᖏᓐᓂᑦ, ᐃᓱᒫᓘᑎᖏᓐᓂᓗ ᑲᓇᑕᒥ, ᑯᐯᒃᒥ ᐊᒻᒪᓗ ᓄᓇᓕᓕᒫᓂ ᖃᐅᔨᓴᕐᓂᒥ ᐱᖁᔭᓕᕆᓂᕐᑎᒍᑦ ᖃᓄᐃᓗᕈᓯᐅᓱᑎᒍᓪᓗ;
- ᐊᓯᖏᓪᓗ ᐱᓇᓱᑦᑕᐅᖁᔭᐅᔪᑦ ᑎᓕᔭᐅᒍᖏᑦ.
ᐱᒍᓐᓇᕆᐊᓕᖏᑦ:
- ᐳᕐᑐᓂᕐᓴᒋᐊᓪᓚᒥ ᐃᓕᑕᕆᔭᐅᒍᑎᖃᕐᓗᓂ ᐊᑦᔨᐸᓱᖓᓂᓗᓐᓃᑦ ᐱᓇᓱᑦᑎᐅᓯᒪᓗᓂ;
- ᐅᖄᒍᓐᓇᓗᓂ ᐊᓪᓚᒍᓐᓇᓗᓂ ᖃᓪᓗᓈᑎᑐᑦ ᐃᓄᒃᑎᑐᓗ;
- ᐅᖄᒍᓐᓇᓗᓂ ᐊᓪᓚᒍᓐᓇᓗᓂᓗ ᒍᐃᒍᐃᑎᑐᑦ ᐱᐅᔪᒐᔭᕐᑐᖅ;
- ᐊᑐᕈᓐᓇᓯᐊᕐᓗᓂ Microsoft-ᒥᒃ;
- ᐱᓇᓱᓕᓂᐅᓗᓂ ᐊᑐᐃᓐᓇᕈᕐᑎᓂᕐᒥᒃ ᐊᓪᓚᓯᒪᔪᓂᑦ;
- ᐊᓯᒥᓂᒃ ᐅᖄᖃᑎᖃᕈᓐᓇᓯᐊᕐᓗᓂᓗ;
- ᐊᐅᓪᓚᑲᑦᑕᕈᓐᓇᓗᓂ ᓄᓇᕕᒻᒥ ᑲᓇᑕᒥᓗ;
- ᐱᓇᓱᑦᓯᐊᕈᓐᓇᓗᓂ, ᐱᑦᓯᐊᓗᓂ ᐱᓇᓱᒐᓐᓇᓯᐊᕐᓗᓂᓗ ᐃᑉᐱᒋᔭᐅᓪᓗᑐᐊᐱᒐᓂ;
- ᑐᑭᑖᕈᑎᐅᒋᐊᓕᓐᓂᑦ ᓈᒻᒪᓈᕐᑐᓂᑦ ᑐᑭᑳᑖᕈᓐᓇᓗᓂ;
- ᐸᕐᓀᕈᓐᓇᓯᐊᕐᓗᓂ, ᐃᓂᓪᓚᑎᕆᒍᓐᓇᓯᐊᕐᓗᓂ ᑲᒪᒋᐊᓪᓛᕈᓐᓇᓯᐊᕐᓗᓂᓗ;
- ᐱᓇᓱᑦᑎᒪᕆᐅᒍᓐᓇᓯᐊᕐᓗᓂ ᐊᓯᒥᓂᒃ ᐱᓇᓱᖃᑎᖃᕈᓐᓇᓯᐊᕐᓗᓂ;
- ᓄᐃᑕᑎᑦᓯᓗᓂ ᑲᒪᒋᔭᐅᖓᓂ ᐱᓇᓱᒐᓐᓇᓯᐊᕐᓂᒥᓂᒃ ᐱᓇᓱᑦᑎᐅᖃᑎᒥᓂᒃ ᐱᓇᓱᖃᑎᖃᕈᓐᓇᓯᐊᕐᓗᓂᓗ;
- ᖃᐅᔨᒪᒐᓚᓪᓗᓂ ᐅᕝᕙᓗᓐᓃᑦ ᐱᓇᓱᑦᑎᐅᓯᒪᓗᓂ ᖃᐅᔨᓴᕐᓂᒥᒃ ᓄᓇᕕᒻᒥ ᐱᐅᔪᒐᔭᕐᑐᖅ (ᐅᑦᑑᑎᒋᓗᒍ ᖃᐅᔨᒋᐊᕐᕕᐅᖃᑦᑕᓯᒪᔪᖅ ᖃᐅᔨᓴᕐᓂᒧᑦ, ᖃᐅᔨᓴᕐᓂᒥᒃ ᐱᓇᓱᑦᑎᐅᓯᒪᔪᖅ, ᐃᓚᐅᑦᓱᓂ ᖃᐅᔨᓴᕐᓂᒧᑦ, ᓄᓇᓕᒻᒥᐅᒃ ᓱᕐᕋᑕᐅᔪᖅ ᖃᐅᔨᓴᕐᓂᒧᑦ).
ᖃᓄᓪᓗᐊᑎᒋᕐᓂᖓ: ᐱᓇᓱᑦᑎᒋᔭᐅᓚᐅᕐᑐᓗᓂ ᐊᕐᕌᒎᕐᓂᒃ ᒪᕐᕉᓂᒃ (2) ᓯᕕᑦᑐᓯᒋᐊᕐᑕᐅᒍᓐᓇᓱᓂ
ᑮᓇᐅᑦᔭᓵᖏᑦ: ᐃᑉᐱᒋᔭᐅᓗᑎᑦ ᐱᓇᓱᓐᓂᕆᓯᒪᔭᖏᑦ
ᐃᓱᓕᕝᕕᖓ: ᓯᑦᑎᒻᐱᕆ 8, 2023
ᐱᓇᓱᒐᕐᑖᕈᒪᒍᑎᓂᒃ ᐊᓪᓚᓯᒪᔪᓂᓗ ᐊᐅᓪᓚᑎᑦᓯᒋᑦ ᐅᕗᖓ: info@atanniuvik.ca
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᑦ.
ᐊᐱᕐᓱᑲᑦᑕᑕᐅᒍᒪᔪᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.