α“―α•—α“•α•†αŠα‘¦α“―αŠα“‚α–…:

ᐃᓂα“ͺᓓᓃᑦ ᓄᓇᕕᒻα’₯ α“„α‘–α’₯α’ƒ ᖃᐅᔨᓴᕐᓂᓄᑦ αŠα…α“šα‘¦α“―α••α…α“—α“‚ ᐱᓇᓱᒐᖃᕐᕕα’₯α’ƒ

α±α”­α‘¦α“΄α–α‘Žα‘•α•†α“―α’ͺᒍᑏᑦ

ᑐᓴᕋᑦᓴᐅᓕᕐα’₯α”ͺᓃᒃ α‘α“΄α•α‘Žα‘•α…α’α‘Žα–ƒα–ƒα‘¦α‘•α•ˆα’ͺᕕᑦ?

ᖃᕆᑕᐅᔭᒃᑯᑦ ᐊα“ͺα“šα–ƒα‘¦α‘•α…α‘Žα’α‘Žα‘‰α±α‘¦ α‘α•Œα•ˆα‘Žα–“ ᐊα“ͺα“šα’α’ƒ α‘•α‘―α–ƒα‘¦α‘•α…α–ƒα‘¦α‘•α“‚αŠα•‹α••α‘¦ α‘α“΄α•α‘Žα“―α’α‘Žα“‚α’ƒ α•Ώα’₯α•α•ˆαŠα‘Žα“α“‚α’ƒ:

ᐱᑐᓴᕋᑦᓴᑦ

ᓄᓇᕕᒻα’₯ᐅᑦ αŠα‘•α“α“‚α…α••α’ƒα‘•α–ƒα–•α’₯ᖓᑦ α“΄α“šα–ƒα…α‘Žα‘–α•α³α–… $500,000-α“‚α’ƒ ᐅᑭᐅᕐᑕᑐα’₯ α‘²α”ͺᖏᕐᓭᓂᕐᓄᑦ α“΄α“šα–ƒα…α‘Žα‘¦α“΄α”­α“‚ α“΄α³α‘¦α”¨α“―α’α‘Žα‘¦α“΄α…α“±α‘Žα’ƒ ᐃᓄᑐᐃᓐᓀᑦ ᓇᒻα’₯α“‚α’»-α‘α‘­α‘–α•†α’α“α“‡α…α‘Žα’‹α“‚αŠα“•α•α‘•α–α“α“‚α’ƒ ᐃᓕᖓα”ͺα“‚α’ƒ ᖃᐅᔨᓴᕐᓂᓄᑦ

ᓄᓇᕕᒻα’₯ᐅᑦ αŠα‘•α“α“‚α…α••α’ƒα‘•α–ƒα–•α’₯ᖓᑦ α“΄α“šα–ƒα…α‘Žα‘–α•α³α–… $500,000-α“‚α’ƒ ᐅᑭᐅᕐᑕᑐα’₯ α‘²α”ͺᖏᕐᓭᓂᕐᓄᑦ α“΄α“šα–ƒα…α‘Žα‘¦α“΄α”­α“‚ α“΄α³α‘¦α”¨α“―α’α‘Žα‘¦α“΄α…α“±α‘Žα’ƒ ᐃᓄᑐᐃᓐᓀᑦ ᓇᒻα’₯α“‚α’»-α‘α‘­α‘–α•†α’α“α“‡α…α‘Žα’‹α“‚αŠα“•α•α‘•α–α“α“‚α’ƒ ᐃᓕᖓα”ͺα“‚α’ƒ ᖃᐅᔨᓴᕐᓂᓄᑦ

ᐱᓇᓱᒐᖃᕐᕕᑖᕐᖃα’₯ᕐᒨᓕᖓα”ͺᑦ

ᑖᓐᓇ ᓄᑖᖑᑦᓱᓂ ᐃᓂα“ͺα“šα‘•α…α“‚α–ƒα•αΈα“•αŠα”ͺα–… ᓄᓇᕕᐅᑉ ᐱᓇᓱᒐᖃᕐᕕᖏᓐᓄᑦ α“„α‘–α–‘α“—α“‚ ᓄᓇᕕᒻα’₯ ᖃᐅᔨᓴᕐᓂᓄᑦ αŠα…α“šα‘¦α“―α••α…α•™α“α“‚αŠα“•α•α‘‘α‘‰ αŠα…α“šα‘•α…α’α‘Žα–α“α“‚α’ƒ, ᑐᖕᖓᕕᖃᕐᓗᓂ ᓄᓇᕕᐅᑉ ᐃᓄᑐᐃᓐᓇᖏᑕ ᓇᒻα’₯α“‚α–…-α‘α‘­α‘–α•α‘αƒα•™α“α“‚αŠα“‚α–α“α“‚α’ƒ.

ᑖᑦᓱα’ͺ ᓄᓇᕕᐅᑉ ᓄᓇᓕᓕα’ͺᖏᓐᓂ ᖃᐅᔨᓴᕐᓂᓄᑦ αŠα…α“šα‘¦α“―α••α…α“›α•α‘α–… αƒα–α•α•‹α‘Žα‘•α…α“―α’‹αŠα“›α•†αŠα–“ 2025 αŠα•α•Œα’α’₯ ᓂᕆᐅᒋᔭᐅᕗᖅ α‘Œα’£α“ͺα“—αŠα“•α•αΈα“— ᓄᑖᑦα’ͺ αŠα‘•α…α‘¦α“―α‘―α•α‘Žα‘•α…α“‚α“–α‘¦ ᖃᐅᔨᓴᕐᓂᓂᒃ α•Ώα’₯α•α•ˆα’α‘Žα…α”ͺᑦ αŠα’»α’ͺα“— αŠα–α•α“‚α“‚α’ƒ α±α“‡α“±α’α‘Žα…α”ͺᑦ αƒα“•α–“α“—α‘Žα’ƒ ᓄᓇᕕᒻᒧᑦ α‘²α”ͺα“―α‘Žα‘•α…α“‚α–ƒα“―α“›α•α³α‘¦. αƒα–α•α•‹α“‚α–ƒα‘¦α“―αŠα“•α•ˆα“‚, α‘²α”ͺα“―α‘¦α“―αŠα“‚α–ƒα•α‘Žα“―α“›α•α‘α–… ᖃᐅᔨᓴᕐᓂα’₯α’ƒ α•Ώα’₯α•α•ˆα“‚α…α’‹αŠα“•α“α“‚α’ƒ αŠα’»α’ͺα“— α‘²α’ͺᒋᔭᐅᓂᖏᓐᓂᒃ, ᓴᐳᒻα’₯α’α‘Žα–α“α“‚α’ƒ ᓄᓇᓕᐅᑉ ᖃᐅᔨᓴᕐᓂᑯᑦ α‘­α–•α–’α’ͺᒋᔭᖏᓐᓂᒃ ᓇᓗᓀᕆᖃᑦᑕᓗᓂ ᓄᓇᕕᒻα’₯ ᖃᐅᔨᓴᕐᓂᑯᑦ α“―α•—α“ͺα“•α…α”­α’‹αŠα“•α“α“‚α’ƒ, α±α…α“―α’‹αŠα•†α“‚α–ƒα•α“—α“‚ α‘α‘­α“―α“‚αŠα•α••α“΄α“‚α’ƒ ᖃᐅᔨᓴᕐᓂα’₯α’ƒ ᑐᑭᓯα’ͺα”­α…α’‹αŠα“•α“α“‚α’ƒ, ᐊα’₯α“±α“‚α“ͺα“— αŠα“―α–α“α“‚α’ƒ, ᓱᕐᖁᐃᑐα’₯α’ƒ ᖃᐅᔨᓴᕐᓂᐅα”ͺᑦ ᓄᓇᕕᒻα’₯ᐅᑦ α“―α•—α“ͺᓕᐅᔭᐅᖁᔭᖏᓐᓂᒃ α‘²α”ͺα“―α‘Žα‘¦α“―α“―αŠα–α“ͺᓗᒍ, α‘­α–•α–’α’ͺα‘¦α“―α’α‘Žα–α“α“‚α“— α“‚α•†α…α’α‘Žα–α“α“‚α“—.

ᑭᖕᒍα’ͺᓇᕐᑐᖃᕐα’ͺᑦ. α’«α“α“‡α…α‘Žα“ͺᓗᒍ ᖃᐅᔨᓴᕐᓂᐅᕙᑦᑐᑦ ᐃᓱα’ͺᖃᓯᐅᑦᔨᓯα’ͺα“ͺα“—αŠα“±α–‘α–•α–α’ͺα‘• ᐃᓄᑐᐃᓐᓀᑦ α“―α•—α“ͺᓕᐅᔨᒍα’ͺᔭᖏᓐᓂᒃ. ᐃᓄᑐᐃᓐᓀᑦ α‘Žα’α“―α’‹αŠα‘¦α“―αŠα•†αŠα–ƒα•α’ͺα‘• αŠα–“α”ͺα•α–ƒα…α’α‘Žα’‹α–ƒα‘¦α‘•α“―α’ͺα”­α“‚α’ƒ ᖃᐅᔨᓴᕐᓂᓂᒃ ᐱᓇᓱᑦᑕᐅᓕᕐᑐᓂᒃ ᓄᓇᕕᒻα’₯.

– ᐋᑕα’₯ α‘Žα“–α“ͺ-αŠα“šα‘―, ᐸᕐᓇᓯα’ͺα’α‘Žα“•αŠα–‘α”ͺᑦ.

α±α‘•α–ƒα•†αŠα–ƒα•‹α‘¦α‘• αŠα‘¦α‘•α“‡α–•α–α‘α’₯α’ƒ ᑐᖕᖓᕕᖃᕐᓂᓂ, αŠα‘¦α‘•α“‡α–•α–α‘α’₯α’ƒ ᐱᕙα“ͺα“•αŠα’‹αŠα“―α“‚α•α’₯α’ƒ, α’ͺα‘­α‘•α‘¦α“―αŠα•ˆα“α“‡α–α“ͺα“—α‘• ᐱα”ͺᕆα’ͺα“‚α–ƒα‘¦α“―αŠα“—α‘•. α‘­α–•α–’α’ͺᒋᔭᖃᕋᑦᑕ ᖃᐅᔨα’ͺᐅᓯᕐᓂᒃ, α±α‘•α–ƒα•†αŠα–ƒα•‹α‘¦α‘• αŠα‘¦α‘•α“‡α–•α–α‘α’₯α’ƒ ᑐᖕᖓᕕᓕᓐᓂᒃ. α±α‘•α–ƒα•†αŠα–ƒα•α‘α’α‘¦ α–ƒα…α”¨α“΄α•ˆα‘Žα…α’ͺα”ͺα“‚α’ƒ α‘•α’ͺᑐα’₯α–“ α‘²α”ͺα“―α‘Žα‘¦α“―α’α‘Žα’‹α”­α‘¦α“΄α•†α“—α’‹α‘¦ – α–ƒα…α”¨α“΄α•ˆα‘Žα…α“―α’ͺα”ͺᑦ ᐃᓄᓐᓄᑦ ᐊα’₯ᓱᓄᑦ α…α‘‰α±α•ˆα“±α“•α•ˆα‘Žα…α“›α•α’ͺα‘•. 

– α”©α’₯ α”ͺαŠα“‡α“―, α‘²α“±α•α‘Žα“―α’ͺα”ͺα“‚α’ƒ ᐸᕐᓇᓯα’ͺα’α‘Žα“•αŠα–‘α”ͺᑦ

[ᐱᓇᓱᒐᖃᕐᕕᒃ] ᐃᑲα”ͺᕐᓯα’ͺα’‹αŠα–ƒα•α–α–… ᓱᕐᖁᐃᑐα’₯α’ƒ ᓄᓇᐅᑉ αŠα•™α‘Žα–“ ᓱᕐᕋᑕᐅᓂᖃᖁᓇᒍ, ᐅᖃᐅᓯᕗα“ͺα“—, ᐃᓗᕐᖁᓯᕗα“ͺα“— ᓴᐳᑦᔭᐅα’ͺα’‹αŠα–ƒα•α“‚α–α‘¦, ᖃᐅᔨᓴᕐᓂᒃ α‘Žα‘­α–ƒα‘¦α‘•α“šα–“α”ͺα–… α‘•α’ͺᐅᖓ, ᖃᐅᔨᓴᕐᓂᐅα”ͺᑦ ᐃᓄᑐᐃᓐᓇᓄᑦ ᐱᕙα“ͺα“•α–α‘Žα…α•™α’‹αŠα“–α‘¦

– ᐃᓄᑐᐃᓐᓀᑦ ᐃᓅᑦα”ͺα“―α’₯ᒍᑦ ᐱᕙα“ͺᓕᔭᐅᒍᓐᓇᖁα“ͺᓗᒋᑦ β€“α–ƒα”¨αŠ ᑭᓕᐅᑕᖅ, ᐸᕐᓇᓯα’ͺα’α‘Žα“•αŠα–‘α”ͺᑦ

ᖃᓄᑐᐃᓐᓇᖅ ᐊα”ͺα•α“΄α“‚α–ƒα•ˆα“α“‡α•‹α‘¦α‘• ᐅα“ͺα“—α’₯ᐅα”ͺα–… αƒα“…α“―α‘¦α‘Žα“‚, ᑐᑭᓯα’ͺα’α‘Žα‘¦α“΄α“‚α’ƒ α“ˆα’»α’ͺα“ˆα•α“―α’ͺα‘¦α“―αŠα‘α“‚α’ƒ ᑐᑭᖃᕐα’ͺᑦ ᐃᒻα’₯α’Žα•α“±α“‚ ᐊα”ͺᕐᓴᓂᕐα’₯α’ƒ. α“―α“šα‘Žα‘¦α‘Žα“‚α‘¦ ᐱα”ͺᓄᑦ α‘α‘­α‘–α•α‘•α…α–ƒα‘¦α‘•α‘Žα“ͺᓗᒋᑦ ᐱᒻα’ͺᕆᖁᑕᐅα”ͺᑦ αŠα’»α“— αŠα±α•α“±α‘•αƒα–ƒα‘¦α‘•α“—α‘•, ᐃᒻα’₯α“‚α•Ώα“—α‘• α‹α•α•Ώα’α‘Žα‘¦α“΄α“‚α’ƒ α±α’‹α…α“šα…α•α“―α’ͺα“šα–“α–•α–α“‡α‘¦α‘• ᐱᓀᓗᑕᓂᒃ α‹α•α•Ώα’α‘Žα‘¦α“΄α“―α“šα…α•α“―α’ͺα“‚αŠα•‹α‘•α“—. ᑐᑭᓯα’ͺα’α‘Žα‘–α•α“―α’ͺα–•α–α‘αŠα•‹α‘¦α‘• ᓱᓇᐅᖕᖏᓇᑦᑕ ᑐᑭᓯᒐᔭᕐᓂα’₯α“ͺα“— ᐱα”ͺᓐᓇᓂᖃᕋᑕ αŠα“―α‘¦α”©α’‹αŠα•α–ƒα”­α“šα–“α’α‘•α“—. ᐃᓄᑐᐃᓐᓀᑦ ᐃᓅᑦα”ͺᓯᖓᑦ ᐱᕙα“ͺα“•αŠα“‚α–ƒα‘¦α“―αŠα“‚αŠα•ˆα“‚ α±α’α“α“‡α“‚α–ƒα•†αŠα–ƒα•α’ͺᑦ α“„αŠα‘¦α“―α“‚α•α’₯α’ƒ αŠα‘α•α‘•α–ƒα•α“‚α’₯α’ƒ ᑐᑭᓯα’ͺα’α‘Žα“‚α’ƒ ᑐᖕᖓᕕᖃᕐᓗᓂ ᓇᒻα’₯α“‚α–… α–ƒα“„αƒα“˜α•‹α“±α’α“α“‡α…α‘Žα‘¦α‘Žα“‚α’ƒ…

– α’«α’ƒ α•‹. α‘―αŠα‘• 1976

ᓄᓇᕕᐅᑉ ᓄᓇᓕᓕᒫᖏᓐᓂ ᖃᐅᔨᓴᕐᓂᓂᒃ αŠα…α“šα‘¦α“―α••α’ƒ ᓲᕐᓗ α“„αŠα‘¦α“―α••α…α’‹αŠα–ƒα•α’ͺᑦ ᐃᑲα”ͺᕐᓯᒍᓐᓇᓗᓂ ᖃᐅᔨᓴᕐᓂᓂᒃ α‘Žα‘­α…α•α–ƒα“•α•α‘α“‚α’ƒ αŠα’»α’ͺα“— ᐃᑲα”ͺᕐᓯα’ͺα“—α“‚ ᓄᓇᓕᓐᓂᒃ ᖃᐅᔨᓴᕐᓂα’₯α’ƒ α±α’α“±α’α‘Žα–ƒα•ˆα’ͺα”ͺᓂᒃ… α‘•α’ƒα‘²α“‚ α“„αŠα‘¦α“―α••α’»α’₯, αŠα’»α’ͺᓗᑭᑕᐅᓕᖓα”ͺα–…, ᑭᓇᒃᑯᓕᒫᑦ αŠα’»α’ͺᓗᑭᑕᐅᓕᖓᓂᖏᑦ ᑕᒃᑲᓃα“ͺα“—α‘Žα’ƒ. ᐃᓱα’ͺα’‹α–•α–‘αŠα•ˆα“α“‡α’₯ᔭᕗᑦ ᓲᕐᓗ αƒα’‘α“—α‘Žα“ͺᓗᒍ. α‘­α–•α–’α’ͺᑦᓯα”ͺα–… α‘•α’ͺᖏᓐᓄᑦ ᓴᐳᒻα’₯α’α‘Žα’₯α’ƒ [α“―α“šα‘Žα“‚α‘¦ ᖃᐅᔨᓴᕐᓂᓂα“ͺα“— αŠα’»α’ͺα“— ᓄᓇᓕᓐᓂᒃ-ᑐᖕᖓᕕᓕᓐᓂᒃ ᖃᐅᔨᓴᕐᓂᓂᒃ]. ᓇα“ͺα“•α–“α“ͺᓗᓃᑦ ᐃᓇᖐᖕᖏᑐᖅ ᐁᑉᐸα’₯α“‚α’ƒ, α“΄α“‚α•‹α‘¦α“―α’Œα–•α–α‘α‘¦, α‘­α“―αŠα“‚ α‘•α’ͺᕐα’₯α’ƒ αƒα“šα…α–ƒα‘•α…α”«α’ƒ. α‘•α’ͺᓐᓇ ᓲᕐᓗ αƒα“•α“α“‚αŠα••α•α”ͺαŠα–…-α’₯ᑭᓂᕐᓴᖅ. ᐃᓱα’ͺᒋᔭᐅα”ͺᑦ α‘²α‘Žα•α••α‘αƒα“α“‡α•†α–•α–α‘•α–“α‘¦, α±α“‡α“±α’α‘Žα“„α‘¦ α‘²α‘Žα••α…α’α’₯. α‘•α’ƒα‘²α“‚ ᑕᒐ α‘²α‘Žα•—α’α‘¦ αƒα“•α’Œα“―α‘¦α“±α‘•α“— – β€œsymbiallies.” [ᐱᓇᓱᒐᖃᕐᕕᐅα”ͺα–…] α‘α–•α–“α••α–ƒα•†αŠα–ƒα•α’ͺᑦ ᐃᓄᑐᐃᓐᓀᑦ α‘­α–•α–’α’ͺα‘¦α“―α’α‘Žα–α“α“‚α’ƒ. α“―α’ƒα‘­α‘•α‘²α“ͺᓛᖑᑦᓱᓂ αƒα“•α“α“‚αŠα••α•α”ͺαŠα–‘α–•α–α’ͺᑦ, α‘­α“―αŠα“‚α“• αŠα’»α’ͺᓗᑭᑕᐅᓕᖓᒻα’ͺα‘•.

– α“—α“― α‘―α”©, ᐸᕐᓇᓯα’ͺα’α‘Žα“•αŠα–‘α”ͺᑦ

Interested in submitting a research project?

Check out our Frequently Asked Questions.

View FAQ’s

menu

α‘Žα“•α”­α…α’ͺᒍᑏᑦ

ᐱᕙα“ͺα“•αŠα“―α’ͺᓂᕗᑦ

ᐱᑦᓴᑖᕐᕕᓴᐅα”ͺᑦ

ᑐᓴᕋᑦᓴᑦ

α–ƒα…α”¨α’‹αŠα•α••α’‹α‘Žα’α‘¦

α–ƒα•†α‘•α…α”­α‘Žα’α‘¦ ᐱᑐᑦᑕᕖᑦ

Privacy Policy | Terms Of Service

Malcare WordPress Security