ᓯᕗᓕᕆᐊᑦᓯᐊᓂᖅ:
ᐃᓂᓪᓓᓃᑦ ᓄᓇᕕᒻᒥ ᓄᑖᒥᒃ ᖃᐅᔨᓴᕐᓂᓄᑦ ᐊᐅᓚᑦᓯᕕᐅᓗᓂ ᐱᓇᓱᒐᖃᕐᕕᒥᒃ
ᑐᓴᕋᑦᓴᐅᓕᕐᒥᔪᓃᒃ ᑐᓴᕐᑎᑕᐅᒍᑎᖃᖃᑦᑕᕈᒪᕕᑦ?
ᖃᕆᑕᐅᔭᒃᑯᑦ ᐊᓪᓚᖃᑦᑕᐅᑎᒍᑎᑉᐱᑦ ᑐᕌᕈᑎᖓ ᐊᓪᓚᒍᒃ ᑕᑯᖃᑦᑕᐅᖃᑦᑕᓂᐊᕋᕕᑦ ᑐᓴᕐᑎᓯᒍᑎᓂᒃ ᕿᒥᕐᕈᐊᑎᓐᓂᒃ:
ᐱᓇᓱᒐᖃᕐᕕᑖᕐᖃᒥᕐᒨᓕᖓᔪᑦ
ᑖᓐᓇ ᓄᑖᖑᑦᓱᓂ ᐃᓂᓪᓚᑕᐅᓂᖃᕐᐸᓕᐊᔪᖅ ᓄᓇᕕᐅᑉ ᐱᓇᓱᒐᖃᕐᕕᖏᓐᓄᑦ ᓄᑖᖑᓗᓂ ᓄᓇᕕᒻᒥ ᖃᐅᔨᓴᕐᓂᓄᑦ ᐊᐅᓚᑦᓯᕕᐅᕙᓐᓂᐊᓕᕐᑑᑉ ᐊᐅᓚᑕᐅᒍᑎᖏᓐᓂᒃ, ᑐᖕᖓᕕᖃᕐᓗᓂ ᓄᓇᕕᐅᑉ ᐃᓄᑐᐃᓐᓇᖏᑕ ᓇᒻᒥᓂᖅ-ᑐᑭᑖᕐᑐᐃᕙᓐᓂᐊᓂᖏᓐᓂᒃ.
ᑖᑦᓱᒪ ᓄᓇᕕᐅᑉ ᓄᓇᓕᓕᒪᖏᓐᓂ ᖃᐅᔨᓴᕐᓂᓄᑦ ᐊᐅᓚᑦᓯᕕᐅᓛᕐᑐᖅ ᐃᖏᕐᕋᑎᑕᐅᓯᒋᐊᓛᕆᐊᖓ 2025 ᐊᕐᕌᒍᒥ ᓂᕆᐅᒋᔭᐅᕗᖅ ᑌᒣᓪᓗᐊᓕᕐᐸᓗ ᓄᑖᑦᒪ ᐊᑕᐅᑦᓯᑯᕐᑎᑕᐅᓂᓖᑦ ᖃᐅᔨᓴᕐᓂᓂᒃ ᕿᒥᕐᕈᒍᑎᐅᔪᑦ ᐊᒻᒪᓗ ᐊᖏᕐᓂᓂᒃ ᐱᓇᓱᒍᑎᐅᔪᑦ ᐃᓕᖓᓗᑎᒃ ᓄᓇᕕᒻᒧᑦ ᑲᔪᓯᑎᑕᐅᓂᖃᓯᓛᕐᐳᑦ. ᐃᖏᕐᕋᓂᖃᑦᓯᐊᓕᕈᓂ, ᑲᔪᓯᑦᓯᐊᓂᖃᕐᑎᓯᓛᕐᑐᖅ ᖃᐅᔨᓴᕐᓂᒥᒃ ᕿᒥᕐᕈᓂᐅᒋᐊᓕᓐᓂᒃ ᐊᒻᒪᓗ ᑲᒪᒋᔭᐅᓂᖏᓐᓂᒃ, ᓴᐳᒻᒥᒍᑎᖏᓐᓂᒃ ᓄᓇᓕᐅᑉ ᖃᐅᔨᓴᕐᓂᑯᑦ ᑭᖕᖒᒪᒋᔭᖏᓐᓂᒃ ᓇᓗᓀᕆᖃᑦᑕᓗᓂ ᓄᓇᕕᒻᒥ ᖃᐅᔨᓴᕐᓂᑯᑦ ᓯᕗᓪᓕᐅᔭᒋᐊᓕᓐᓂᒃ, ᐱᐅᓯᒋᐊᕆᓂᖃᕐᓗᓂ ᑐᑭᓯᓂᐊᕐᕕᓴᓂᒃ ᖃᐅᔨᓴᕐᓂᒥᒃ ᑐᑭᓯᒪᔭᐅᒋᐊᓕᓐᓂᒃ, ᐊᒥᓱᓂᓪᓗ ᐊᓯᖏᓐᓂᒃ, ᓱᕐᖁᐃᑐᒥᒃ ᖃᐅᔨᓴᕐᓂᐅᔪᑦ ᓄᓇᕕᒻᒥᐅᑦ ᓯᕗᓪᓕᐅᔭᐅᖁᔭᖏᓐᓂᒃ ᑲᔪᓯᑎᑦᓯᓯᐊᖁᓪᓗᒍ, ᑭᖕᖒᒪᑦᓯᒍᑎᖏᓐᓂᓗ ᓂᕆᐅᒍᑎᖏᓐᓂᓗ.
ᑭᖕᒍᒪᓇᕐᑐᖃᕐᒪᑦ. ᒫᓐᓇᐅᑎᓪᓗᒍ ᖃᐅᔨᓴᕐᓂᐅᕙᑦᑐᑦ ᐃᓱᒪᖃᓯᐅᑦᔨᓯᒪᓪᓗᐊᓱᖑᖕᖏᒪᑕ ᐃᓄᑐᐃᓐᓀᑦ ᓯᕗᓪᓕᐅᔨᒍᒪᔭᖏᓐᓂᒃ. ᐃᓄᑐᐃᓐᓀᑦ ᑎᒍᓯᒋᐊᑦᓯᐊᕆᐊᖃᕐᒪᑕ ᐊᖓᔪᕐᖃᐅᒍᑎᒋᖃᑦᑕᓯᒪᔭᓂᒃ ᖃᐅᔨᓴᕐᓂᓂᒃ ᐱᓇᓱᑦᑕᐅᓕᕐᑐᓂᒃ ᓄᓇᕕᒻᒥ.
– ᐋᑕᒥ ᑎᓖᓪ-ᐊᓚᑯ, ᐸᕐᓇᓯᒪᒍᑎᓕᐊᖑᔪᑦ.
ᐱᑕᖃᕆᐊᖃᕋᑦᑕ ᐊᑦᑕᓇᖕᖏᑐᒥᒃ ᑐᖕᖓᕕᖃᕐᓂᓂ, ᐊᑦᑕᓇᖕᖏᑐᒥᒃ ᐱᕙᓪᓕᐊᒋᐊᓯᓂᕐᒥᒃ, ᒪᑭᑕᑦᓯᐊᕈᓐᓇᖁᓪᓗᑕ ᐱᔪᕆᒪᓂᖃᑦᓯᐊᓗᑕ. ᑭᖕᖒᒪᒋᔭᖃᕋᑦᑕ ᖃᐅᔨᒪᐅᓯᕐᓂᒃ, ᐱᑕᖃᕆᐊᖃᕋᑦᑕ ᐊᑦᑕᓇᖕᖏᑐᒥᒃ ᑐᖕᖓᕕᓕᓐᓂᒃ. ᐱᑕᖃᕆᐊᖃᕐᑐᒍᑦ ᖃᐅᔨᓴᕈᑎᐅᒪᔪᓂᒃ ᑕᒪᑐᒥᖓ ᑲᔪᓯᑎᑦᓯᒍᑎᒋᔭᑦᓴᕆᓗᒋᑦ – ᖃᐅᔨᓴᕈᑎᐅᓯᒪᔪᑦ ᐃᓄᓐᓄᑦ ᐊᒥᓱᓄᑦ ᐅᑉᐱᕈᓱᓕᕈᑎᐅᓛᕐᒪᑕ.
– ᔩᒥ ᔪᐊᓇᓯ, ᑲᓱᕐᑎᓯᒪᔪᓂᒃ ᐸᕐᓇᓯᒪᒍᑎᓕᐊᖑᔪᑦ
[ᐱᓇᓱᒐᖃᕐᕕᒃ] ᐃᑲᔪᕐᓯᒪᒋᐊᖃᕐᖁᖅ ᓱᕐᖁᐃᑐᒥᒃ ᓄᓇᐅᑉ ᐊᕙᑎᖓ ᓱᕐᕋᑕᐅᓂᖃᖁᓇᒍ, ᐅᖃᐅᓯᕗᓪᓗ, ᐃᓗᕐᖁᓯᕗᓪᓗ ᓴᐳᑦᔭᐅᒪᒋᐊᖃᕐᓂᖏᑦ, ᖃᐅᔨᓴᕐᓂᒃ ᑎᑭᖃᑦᑕᓚᖓᔪᖅ ᑕᒪᐅᖓ, ᖃᐅᔨᓴᕐᓂᐅᔪᑦ ᐃᓄᑐᐃᓐᓇᓄᑦ ᐱᕙᓪᓕᖁᑎᐅᕙᒋᐊᓖᑦ
– ᐃᓄᑐᐃᓐᓀᑦ ᐃᓅᑦᔪᓯᒥᒍᑦ ᐱᕙᓪᓕᔭᐅᒍᓐᓇᖁᓪᓗᒋᑦ –ᖃᔨᐊ ᑭᓕᐅᑕᖅ, ᐸᕐᓇᓯᒪᒍᑎᓕᐊᖑᔪᑦ
ᖃᓄᑐᐃᓐᓇᖅ ᐊᔪᕐᓴᓂᖃᕈᓐᓇᕋᑦᑕ ᐅᓪᓗᒥᐅᔪᖅ ᐃᓅᓯᑦᑎᓂ, ᑐᑭᓯᒪᒍᑎᑦᓴᓂᒃ ᓈᒻᒪᓈᕐᓯᒪᑦᓯᐊᑐᓂᒃ ᑐᑭᖃᕐᒪᑦ ᐃᒻᒥᒎᕐᓱᓂ ᐊᔪᕐᓴᓂᕐᒥᒃ. ᓯᓚᑎᑦᑎᓂᑦ ᐱᔪᓄᑦ ᑐᑭᑖᕐᑕᐅᖃᑦᑕᑎᓪᓗᒋᑦ ᐱᒻᒪᕆᖁᑕᐅᔪᑦ ᐊᒻᓗ ᐊᐱᕐᓱᑕᐃᖃᑦᑕᓗᑕ, ᐃᒻᒥᓂᕿᓗᑕ ᐋᕐᕿᒍᑎᑦᓴᓂᒃ ᐱᒋᐅᓚᐅᕐᓯᒪᓚᖓᖕᖏᓇᑦᑕ ᐱᓀᓗᑕᓂᒃ ᐋᕐᕿᒍᑎᑦᓴᓯᓚᐅᕐᓯᒪᓂᐊᕋᑕᓗ. ᑐᑭᓯᒪᒍᑎᑖᕐᓯᒪᖕᖏᑐᐊᕋᑦᑕ ᓱᓇᐅᖕᖏᓇᑦᑕ ᑐᑭᓯᒐᔭᕐᓂᒥᓪᓗ ᐱᔪᓐᓇᓂᖃᕋᑕ ᐊᓯᑦᔩᒋᐊᕐᖃᔭᓚᖓᒐᑕᓗ. ᐃᓄᑐᐃᓐᓀᑦ ᐃᓅᑦᔪᓯᖓᑦ ᐱᕙᓪᓕᐊᓂᖃᑦᓯᐊᓂᐊᕈᓂ ᐱᒍᓐᓇᓂᖃᕆᐊᖃᕐᒪᑦ ᓄᐊᑦᓯᓂᕐᒥᒃ ᐊᑐᕐᑕᖃᕐᓂᒥᒃ ᑐᑭᓯᒪᒍᑎᓂᒃ ᑐᖕᖓᕕᖃᕐᓗᓂ ᓇᒻᒥᓂᖅ ᖃᓄᐃᓘᕋᓱᒍᓐᓇᐅᑎᑦᑎᓂᒃ…
– ᒫᒃ ᕋ. ᑯᐊᑕ 1976
ᓄᓇᕕᐅᑉ ᓄᓇᓕᓕᒫᖏᓐᓂ ᖃᐅᔨᓴᕐᓂᓂᒃ ᐊᐅᓚᑦᓯᕕᒃ ᓲᕐᓗ ᓄᐊᑦᓯᕕᐅᒋᐊᖃᕐᒪᑦ ᐃᑲᔪᕐᓯᒍᓐᓇᓗᓂ ᖃᐅᔨᓴᕐᓂᓂᒃ ᑎᑭᐅᕐᖃᓕᕐᑐᓂᒃ ᐊᒻᒪᓗ ᐃᑲᔪᕐᓯᒪᓗᓂ ᓄᓇᓕᓐᓂᒃ ᖃᐅᔨᓴᕐᓂᒥᒃ ᐱᒐᓱᒍᑎᖃᕈᒪᔪᓂᒃ… ᑕᒃᑲᓂ ᓄᐊᑦᓯᕕᒻᒥ, ᐊᒻᒪᓗᑭᑕᐅᓕᖓᔪᖅ, ᑭᓇᒃᑯᓕᒫᑦ ᐊᒻᒪᓗᑭᑕᐅᓕᖓᓂᖏᑦ ᑕᒃᑲᓃᓪᓗᑎᒃ. ᐃᓱᒪᒋᖕᖑᐊᕈᓐᓇᒥᔭᕗᑦ ᓲᕐᓗ ᐃᒡᓗᑎᓪᓗᒍ. ᑭᖕᖒᒪᑦᓯᔪᖅ ᑕᒪᖏᓐᓄᑦ ᓴᐳᒻᒥᒍᑎᒥᒃ [ᓯᓚᑎᓂᑦ ᖃᐅᔨᓴᕐᓂᓂᓪᓗ ᐊᒻᒪᓗ ᓄᓇᓕᓐᓂᒃ-ᑐᖕᖓᕕᓕᓐᓂᒃ ᖃᐅᔨᓴᕐᓂᓂᒃ]. ᓇᓪᓕᖓᓪᓗᓃᑦ ᐃᓇᖐᖕᖏᑐᖅ ᐁᑉᐸᒥᓂᒃ, ᓴᓂᕋᑦᓯᒌᖕᖏᑐᑦ, ᑭᓯᐊᓂ ᑕᒪᕐᒥᒃ ᐃᓚᐅᖃᑕᐅᔫᒃ. ᑕᒪᓐᓇ ᓲᕐᓗ ᐃᓕᓐᓂᐊᕕᕐᔪᐊᖅ-ᒥᑭᓂᕐᓴᖅ. ᐃᓱᒪᒋᔭᐅᔪᑦ ᑲᑎᕝᕕᑐᐃᓐᓇᕆᖕᖏᑕᖓᑦ, ᐱᓇᓱᒍᑎᓄᑦ ᑲᑎᕕᐅᒐᒥ. ᑕᒃᑲᓂ ᑕᒐ ᑲᑎᕗᒍᑦ ᐃᓕᒌᓯᑦᓱᑕᓗ – “symbiallies.” [ᐱᓇᓱᒐᖃᕐᕕᐅᔪᖅ] ᑐᖕᖓᕕᖃᕆᐊᖃᕐᒪᑦ ᐃᓄᑐᐃᓐᓀᑦ ᑭᖕᖒᒪᑦᓯᒍᑎᖏᓐᓂᒃ. ᓯᒃᑭᑕᑲᓪᓛᖑᑦᓱᓂ ᐃᓕᓐᓂᐊᕕᕐᔪᐊᖑᖕᖏᒪᑦ, ᑭᓯᐊᓂᓕ ᐊᒻᒪᓗᑭᑕᐅᓕᖓᒻᒪᑕ.
– ᓗᓯ ᑯᔩ, ᐸᕐᓇᓯᒪᒍᑎᓕᐊᖑᔪᑦ
Interested in submitting a research project?
Check out our Frequently Asked Questions.