ᑎᓕᔭᐅᒪᒍᑏᑦ

ᖃᓄᐃᓘᕐᑎᐅᓃᑦ, ᑎᓕᔭᐅᒪᒍᑏᓪᓗ ᑐᖕᖓᕕᖏᓪᓗ ᑖᑦᓱᒪ ᓄᑖᖑᑦᓱᓂ ᐊᐅᓚᑦᓯᓂᕐᓂᒃ ᐱᓇᓱᒐᖃᕐᕕᑕᖑᓚᖓᔪᖅ ᓄᐃᑕᐅᕙᓪᓕᐊᓂᖃᓯᓚᐅᔪᕗᖅ ᓯᕗᓕᕐᑕᐅᓱᓂ ᑲᑎᖕᖓᔨᓕᐊᖑᓯᒪᔪᓄᑦ ᐊᒻᒪᓗ ᑐᖕᖓᕕᖃᕐᓱᓂ ᐊᐱᕐᓱᕈᑎᐅᕕᓂᕐᓂᒃ ᐃᓄᓐᓂᒃ ᑲᒪᕙᑦᑐᓂᒃ ᓄᓇᕕᐅᑉ ᐱᓇᓱᒐᖃᕐᕕᖏᓐᓂ ᓯᕗᓕᕐᑎᖏᓐᓂᓗ. ᑐᑭᓯᒋᐊᒃᑲᓂᕈᒪᔪᑦ, ᑕᑯᒋᐊᕈᓐᓇᐳᑦ, ᑕᑯᒋᐊᕐᓗᒋᑦ ᐱᕙᓪᓕᐊᓯᒪᓂᐅᔪᑦ ᐅᕝᕙᓘᓐᓃᑦ ᑕᑯᒋᐊᕐᓗᑎᒃ ᐸᕐᓇᕈᑎᓕᐊᖑᓯᒪᔪᓂᒃ. 

ᐱᔭᑦᓴᖁᑎᑕᕆᓯᒪᒍᑏᑦ

ᑲᒪᔨᒻᒪᕆᒋᔭᐅᓚᖓᔪᖅ ᑲᒪᓇᓱᑦᑎᐅᓗᓂᓗ ᖃᐅᕕᓴᕐᓂᓂᒃ ᓄᓇᕕᒻᒥ ᐊᑐᕐᓗᒋᑦ ᐱᕙᓪᓕᐊᑎᑦᓯᒍᑎᐅᔪᑦ ᓄᓇᕕᒻᒥᐅᓄᑦ ᐃᓄᑐᐃᓐᓇᓄᑦ ᓇᒻᒥᓂᖅ-ᑐᑭᑖᕐᑐᐃᒍᓐᓇᐅᑎᑦᓴᒥᓂᒃ ᐃᓕᖓᑎᓪᓗᒋᑦ ᖃᐅᔨᓴᕐᓂᓄ, ᑌᒣᓪᓗᒋᑦ ᓱᕐᖁᐃᑐᒥᒃ ᖃᐅᔨᓴᕐᓂᖅ ᐱᑦᔪᔭᖃᑦᓯᐊᖁᓪᓗᒍ ᓄᓇᕕᒻᒥᐅᑦ ᓯᕗᓪᓕᐅᔨᒍᒪᔭᖏᓐᓂᒃ, ᑭᖕᖒᒪᑦᓯᒍᑎᖏᓐᓂᒃ ᐊᒻᒪᓗ ᓂᕆᐅᒋᔭᖏᓐᓂᒃ.

ᑐᕌᕐᑕᐅᔪᑦ ᐱᔭᐅᒐᓱᑦᑐᑦ

ᓯᑕᒪᐅᔪᖕᖏᒐᕐᑑᓗᑎᒃ ᓯᕗᓂᕆᓚᖓᔭᖏᑦ ᐱᓇᓱᒐᖃᕐᕕᐅᑉ ᐅᑯᐊᖑᓚᖓᕗᑦ:

  1. ᐱᐅᓯᒋᐊᕆᓃᑦ ᓄᓇᓕᓕᒫᑦ ᐊᑕᐅᑦᓯᑯᕐᑎᑕᐅᒍᑎᖏᓐᓂᒃ ᐊᓯᕐᕿᔭᖃᕐᑌᓕᓂᕐᒥᓗ ᖃᐅᔨᓴᕐᓂᓂᒃ ᑲᒪᒋᔭᖃᕈᑎᓂᒃ;
  2. ᐱᐅᓯᒋᐊᕆᓃᑦ ᖃᐅᔨᒪᔭᐅᓕᕐᑐᓂᒃ ᐊᒥᕐᖃᖃᑎᒌᒍᑎᓂᒃ ᐊᒻᒪᓗ ᑐᓴᐅᒪᖃᑎᒌᓐᓂᓴᖏᓐᓂᒃ ᐱᓇᓱᒐᖃᕐᕕᐅᔪᑦ, ᓄᓇᓖᓪᓗ ᐊᒻᒪᓗ ᖃᐅᔨᓴᕐᑎᑦ;
  3. ᓄᑭᑖᕆᐊᕆᓂᕐᒥᒃ ᓄᓇᕕᒻᒥᐅᑦ ᑕᑯᒋᐊᕈᓐᓇᓂᖏᓐᓂᒃ ᐊᒻᒪᓗ ᐊᐅᓚᑦᓯᒍᓐᓇᓂᖏᓐᓂᒃ ᖃᐅᔨᓴᕈᑎᕕᓃᑦ ᑐᑭᓯᒪᑎᑦᓯᒍᑎᑕᕐᑕᐅᒍᑎᕕᓂᖏᓐᓂᒃ;
  4. ᐱᐅᓯᒋᐊᓗᒋᑦ ᐱᑐᑦᓯᒪᐅᑎᖏᑦ ᖃᐅᔨᓴᕐᓂᐅᔪᑦ ᓄᓇᕕᐅᑉ ᐃᓄᑐᐃᓐᓇᖏᑕ ᐃᓅᑦᔪᓯᖅ-ᐃᓗᕐᖁᓯᖏᓐᓄᑦ ᐃᓪᓕᓇᕐᑐᖁᑎᖏᓐᓄᑦ ᐊᒻᒪᓗ ᖃᐅᔨᓴᕐᓂᓂᒃ ᓯᕗᓪᓕᐅᔭᐅᖁᔭᖏᓐᓂᒃ;
  5. ᓄᒃᑭᑖᕆᐊᕆᓂᕐᒥᒃ ᖃᐅᔨᓴᕐᑏᑦ ᐃᑉᐱᒍᓱᒋᐊᖃᕐᓂᖏᓐᓂᒃ, ᒪᓕᑦᓯᐊᕿᐊᖃᕐᓂᖏᓐᓂᒃ, ᓴᕐᕿᔮᕆᕐᑐᓂᒃ ᐱᖁᔭᓂᒃ ᐊᒻᒪᓗ ᐃᓅᓯᖃᑦᓯᐊᕆᐊᖃᕐᓂᓄᑦ ᐱᐅᓯᕆᔭᐅᓲᓂᒃ;
  6. ᖁᕝᕙᑎᕆᓂᕐᓗ ᓴᐳᑦᔨᓯᒪᓂᕐᓗ ᐱᓇᓱᑦᑎᓂᒃ-ᐊᒥᓱᖕᖑᕙᓪᓕᐊᑎᑦᓯᒍᑎᓂᒃ ᐊᒻᒪᓗ ᐱᐅᓯᒋᐊᕆᓂᕐᑕᖃᕐᓗᓂ ᐱᒋᐅᕐᓴᑎᑦᓯᒍᑎᓂᒃ ᐃᓕᖓᑎᓪᓗᒋᑦ ᓄᓇᓕᓐᓄᑦ-ᓯᕗᓕᕐᑕᐅᓱᑎᒃ ᖃᐅᔨᓴᕐᓂᓂᒃ; ᐊᒻᒪᓗ
  7. ᖁᕝᕙᑎᕐᓗᒋᑦ ᐊᖏᕐᓂᓴᒥᒃ ᐃᓅᑦᔪᓯᐅᔪᓪᓗ-ᑮᓇᐅᔭᑎᒍᓪᓗ ᒪᑭᑕᒐᓱᒍᑎᐅᓲᑦ ᐃᓪᓕᓇᕐᓂᖏᑦ ᖃᐅᔨᓴᕐᓂᑎᒍᑦ ᐱᑦᔪᔭᐅᒍᑎᖏᑦ ᓄᓇᕕᒻᒥᐅᑎᒍᑦ ᐃᓅᑦᔪᓯᐅᔪᑦ.
„  ᓯᕗᓂᖃᕈᑎᖏᑦ ᐱᓇᓱᒐᖃᕐᕕᐅᑉn

ᑐᖕᖓᕖᑦ

ᓯᑕᒪᓂᒃ ᑕᓯᐅᕐᓯᓂᕐᓄᑦ ᑐᖕᖓᕕᖃᓚᖓᕗᖅ ᐱᓇᓱᒐᖃᕐᕕᒃ ᑖᒃᑯᐊᓗ ᓄᓇᓕᓐᓂᒃ-ᑐᖕᖓᕕᖃᕐᓗᑎᒃ; ᓈᒻᒪᕕᖃᕐᓂᐅᔪᑦ ᐊᒻᒪᓗ ᓱᖏᕐᑐᑎᑦᓴᓯᐊᖑᓂᖅ; ᐃᓚᐅᑎᑦᓯᒍᓐᓇᓂᖅ; ᑐᖕᖓᓂᖃᑦᓯᐊᓗᓂ ᐊᒻᒪᓗ ᐱᕙᓪᓗᐊᑎᑦᓯᓂ ᑦᓯᐊᓗᓂ ᐃᓅᖃᑎᒌᑦᓯᐊᕈᑎᓂᒃ

ᑕᓯᐅᕐᓯᒍᑎᐅᑦᓱᑎᒃ ᑐᖕᖓᕕᖏᑦ ᐱᓇᓱᒐᖃᕐᕕᐅᑉ

ᐱᓇᓱᑦᑕᖏᑦ

ᐱᓇᓱᒐᖃᕐᕕᑖᕐᖃᒥᖅ ᑐᕌᓚᖓᕗᖅ ᓯᕗᓂᖃᕐᓗᓂ ᑲᒪᒋᔭᖃᕐᓂᓂᒃ ᑕᓪᓕᒪᓂᒃ ᐱᓇᓱᑦᑕᐅᔪᑦᓴᓂᒃ:

ᐊᖏᕐᑕᖃᕐᓂᖅ ᐊᒻᒪᓗ ᑲᒪᒋᔭᖃᕐᓂᖅ ᖃᐅᔨᓴᕐᓂᓂᒃ

  • ᓱᕐᖁᐃᑐᒥᒃ ᐃᓚᐅᑎᑦᓯᓂᖃᕐᓗᓂ, ᑲᔪᓯᑦᓯᐊᑎᑦᓯᓂᖃᕐᓗᓂ ᐊᒻᒪᓗ ᐃᓗᕐᖁᓯᕐᒥᒃ-ᐱᒍᓐᓇᓯᐊᕐᓗᓂ ᓄᓇᕕᒻᒨᓕᖓᔪᓂᒃ ᖃᐅᔨᓴᕐᓂᓂᒃ ᕿᒥᕐᕈᕈᑎᓂᒃ, ᐊᖏᕐᑕᖃᕐᓂᓗ ᑲᒪᓇᓱᑦᑕᖃᕐᓂᓗ ᐱᓇᓱᒍᑎᐅᓗᓂ, ᐱᓂᐊᕐᓂᕆᔭᐅᖃᑦᑕᓗᓂ ᓄᓇᓕᓕᒫᑦ ᕿᒥᕐᕈᓂᕐᓄᑦ ᑲᑎᒪᔨᖏᓐᓄᓗ ᐊᒻᒪᓗ ᓄᓇᓕᓐᓂ ᕿᒥᕐᕈᓂᕐᓄᑦ ᑲᑎᖕᖓᔨᓄᑦ

ᓇᓗᓀᔦᓂᖅ, ᓄᐊᑦᓯᓂᖅ ᐊᒻᒪᓗ ᑐᓴᕐᑕᐅᑎᑦᓯᒍᑎᖃᖃᑦᑕᓂᖅ ᖃᐅᔨᓴᕐᓂᓂ ᓯᕗᓪᓕᐅᔭᐅᔪᓂᒃ

  • ᓄᐊᑦᓯᖃᑦᑕᓗᓂ ᓄᓇᕕᒻᒥᐅᑦ ᖃᐅᕕᓴᕐᓂᑎᒍᑦ ᑭᖕᖒᒪᑦᓯᒍᑎᖏᓐᓂᒃ ᓯᕗᓪᓕᐅᔨᒍᒪᔭᖏᓐᓂᓗ ᖁᕝᕙᐸᓪᓕᐊᔪᓂᒃ ᓄᓇᒥᑦ ᖁᒻᒧᑦ ᖃᐅᔨᒪᔭᐅᑦᓯᐊᖁᓪᓗᒋᑦ ᖃᐅᔨᓴᕐᓂᐅᔪᓂ ᐱᓇᓱᑦᑕᐅᓕᕐᑐᑦ ᐊᒻᒪᓗ ᑮᓇᐅᔭᖃᕐᑎᑕᐅᒍᑎᑎᒍᑦ ᓯᕗᓪᓕᐅᔭᒋᐊᓖᑦ

ᑲᒪᔨᒋᔭᐅᓂᖅ ᐊᒻᒪᓗ ᑐᓴᕐᑕᐅᑎᑦᓯᖃᑦᑕᓂᖅ ᖃᐅᔨᓴᕐᓂᐅᔪᓂ ᑐᑭᓯᒪᔭᐅᔪᓂᒃ

  • ᑲᒪᒋᔭᖃᕐᓂᐅᓗᓂ ᐊᑕᖏᕐᓯᔪᓂᒃ ᖃᐅᔨᓴᕈᑎᐅᓯᒪᔪᑦ ᐊᓪᓚᓯᒪᔪᕐᑕᑕᐅᒪᒍᑎᖏᓐᓂᒃ ᐱᓇᓱᖃᑎᒋᓗᒋᑦ ᖃᐅᔨᓴᕐᓂᓂᒃ ᐱᓇᓱᒍᒪᔪᑦ ᐊᓪᓚᓯᒪᔪᖕᖑᑕᐅᒪᕕᖓᑦ, ᐃᓚᐅᑎᑦᓯᓂᓖᓪᓗ ᖃᕆᑕᐅᔭᑎᒍᑦ ᑕᑯᓇᓱᑦᑕᐅᕖᑦ ᖃᐅᔨᓴᕐᑎᓄᓪᓗ ᐃᓄᓕᒫᓄᓪᓗ ᑲᒪᒋᔭᖃᕐᑐᓄᑦ ᑐᓴᖃᑦᑕᐅᑎᒍᑎᓂᒃ.
  • ᐃᓚᐅᖃᑦᑕᓗᓂ ᐱᔪᖃᕐᑎᓯᓕᕐᑐᓄᑦ, ᐊᑯᓓᑦᑐᒥᒃ ᑐᓴᐅᒪᖃᑎᖃᕐᓂᓄᑦ ᓄᓇᕕᒻᒥᐅᓂᒃ ᐱᑦᔪᑎᒋᓗᒋᑦ. ᖃᐅᔨᓴᕐᓂᒥᒃ ᐱᓇᓱᒍᑎᐅᔪᓪᓗ ᐱᒐᓱᕝᕕᓴᐅᓕᕐᑐᓗ
  • ᐸᕐᓇᑕᖃᕐᓗᓂ ᓄᓇᕕᒻᒥ ᖃᐅᔨᓴᕐᓂᓄᑦ ᐅᖃᕐᕕᒪᕆᑦᓴᒥᒃ

ᓴᐳᑦᔨᓯᒪᓂᖅ ᓄᓇᓖᑦ ᖃᐅᔨᓴᕐᓂᑎᒍᑦ ᑭᖕᖒᒪᒋᔭᖏᓐᓂᒃ

  • ᓴᐳᑎᓯᒪᓗᒋᑦ ᓄᓇᓖᑦ ᓄᐃᑦᓯᓂᖃᓯᑉᐸᑕᓗ ᑲᔪᓯᑎᑦᓯᒍᑎᖃᓕᕐᐸᑕᓗ ᖃᐅᔨᓴᕐᓂᒥᒃ ᐱᓇᓱᑦᑕᐅᔪᓂᒃ ᐊᕐᖁᑎᒋᓗᒋᑦ ᖃᐅᔨᓴᕐᓂᒥᒃ ᐱᓇᓱᒍᑎᖃᕈᒪᔪᑦ ᐱᕙᓪᓕᐊᑎᑦᓯᒍᑎᖏᓪᓗ ᑐᓴᕐᑕᐅᑎᑦᓯᒍᑎᖏᓪᓗ ᐊᒻᒪᓗ ᐱᐅᓯᒋᐊᕐᓗᒋᑦ ᖃᐅᔨᓴᕐᓂᓂᒃ ᐱᑦᔪᔨᒍᑏᑦ
  • ᐃᑲᔪᕐᓯᒪᖃᑦᑕᓗᒋᑦ ᐱᑐᑦᑕᐅᑎᓂᕆᒋᐊᓕᖏᑦ ᓄᓇᓖᓪᓗ ᖃᐅᔨᓴᕐᑏᓗ

ᖃᐅᔨᓴᕐᑎᓂᒃ ᓴᐳᒻᒥᓂᖅ

  • ᐃᓕᓐᓂᐊᑎᓪᓗᒋᑦ ᖃᐅᔨᓴᕐᑏᑦ ᖃᓄᐃᓘᕈᑎᐅᓱᖑᒻᒪᖔᑕ ᕿᒥᕐᕈᓂᕐᓂᒃ ᐱᓇᓱᒍᑎᐅᔪᑦ, ᐃᓅᓯᖃᑦᓯᐊᓂᑦᓴᓅᓕᖓᔪᑦ ᐊᒻᒪᓗ ᐱᐅᔪᓂᒃ ᖃᐅᔨᓴᕐᓂᒥᒃ ᐱᓇᓱᒍᑎᐅᔪᓂᒃ
  • ᖃᐅᔨᓴᕐᑏᑦ ᐱᑕᖃᕐᑎᓯᕕᒋᓗᒋᑦ ᐃᓱᕐᕆᐅᑎᖃᕆᐊᖃᕐᓂᑯᑦ ᓄᓇᒃᑯᕈᑎᓂᓪᓗ ᐊᓂᕐᕋᖃᕐᑎᑕᐅᒍᑎᑦᓴᖏᑎᒍᓪᓗ ᐃᓄᓐᓄᑦ ᓄᓇᓕᓕᓐᓄᑦ ᐱᓇᓱᒐᑦᓭᑦ ᓴᕐᕿᕈᓐᓇᖁᓪᓗᒋᑦ

ᐱᓇᓱᒐᖃᕐᕕᐅᑉ ᐃᓂᓪᓚᑕᐅᓯᒪᒍᓯᖏᑦ

ᐱᓇᓱᒐᖃᕐᕕᐅᑉ ᐃᓂᓪᓚᑕᐅᒍᑎᖏᑦ ᐃᓚᖃᓚᖓᕗᑦ ᑲᑎᖕᖓᔨᓂᒃ ᐃᓕᖓᔪᓂᒃ ᐳᕐᑐᓂᕙᓪᓗᓂ ᐱᓇᓱᒍᑎᓂᓪᓕ ᐱᓇᓱᒐᖃᕐᕕᐅᓗ ᐃᓛᓂᐅᖕᖏᑐᕐᓗ ᖄᖏᓐᓇᑲᓪᓚᑕᕕᓂᖏᓐᓂ; ᐸᐸᑦᓯᕕᖃᕐᓗᓂᓗ ᐱᓇᓱᑦᑎᓕᒻᒥᒃ ᐊᒻᒪᓗ ᓄᓇᓕᓐᓂ ᖃᐅᔨᓴᕐᓂᓄᑦ ᑐᑦᑕᕕᖃᕐᓗᓂ ᑲᔪᓯᑎᑦᓯᖃᑦᑕᓚᖓᔪᓂᒃ ᐱᓇᓱᒐᖃᕐᕕᐅᑉ ᐱᓇᓱᒋᐊᓕᖏᓐᓂᒃ; ᒪᕐᕉᓂᓪᓗᓃᑦ ᐱᖓᓱᓂᓪᓗᓃᑦ ᐱᓇᓱᑦᑕᐅᔪᓂᒃ-ᑐᖕᖓᕕᓕᓐᓂᒃ ᓄᓇᓕᓕᒫᑎᒍᑦ ᕿᒥᕐᕈᓂᕐᓄᑦ ᑲᑎᖕᖓᔨᓂᒃ ᐃᓕᖓᔪᓂᒃ ᓄᓇᓕᓕᒫᓄᑦ ᖃᐅᔨᓴᕐᓂᒥᒃ ᕿᒥᕐᕈᓂᕐᓄᑦ ᐊᒻᒪᓗ ᑐᑭᑖᕆᔨᓄᑦ; ᐊᒻᒪᓗ ᖁᓕᓪᓗ/ᑕᓪᓕᒪᐅᔪᕐᓗ ᑕᓪᓕᒪᓪᓗᓂ ᓄᓇᓕᓐᓂ ᕿᒥᕐᕈᓂᕐᓄᑦ ᑲᑎᖕᖓᔨᖃᕐᓗᓂ ᐱᔭᑦᓴᖁᑎᖃᕐᓂᐊᑐᓂᒃ ᓄᓇᓕᒻᒥᓂ ᖃᐅᔨᓴᕐᓂᐅᓚᖓᔪᓂᒃ ᕿᒥᕐᕈᓂᕐᒥᒃ ᐊᒻᒪᓗ ᑐᑭᑖᕆᓂᕐᒥᒃ,

ᐱᓇᓱᒐᖃᕐᕕᐅᑉ ᐱᓇᓱᑦᑕᖏᑦ ᖃᐅᔨᓴᕐᓂᒥᒃ ᕿᒥᕐᕈᓂᐅᔪᑦ ᐱᔭᑦᓴᐅᓂᖏᑎᒍᑦ ᐃᓚᖃᓚᖓᕗᑦ ᐃᓘᓐᓇᖏᓐᓂᒃ ᖃᐅᔨᓴᕐᓂᓂᒃ ᓄᓇᕕᒻᒥᓗ ᓄᓇᕕᒻᒥᓗ ᐱᑦᔪᑎᓕᓐᓂᒃ.

ᐃᓚᖃᓚᖓᔪᖅ ᓄᓇᖁᑕᐅᔪᓂᒃ ᓇᓗᓀᕐᑕᐅᓯᒪᔪᓂᒃ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓄᑦ ᐊᒻᒪᓗ ᓄᓇᕕᐅᑉ ᑕᕆᐅᖁᑎᖓᑕ ᓄᓇᖁᑎᖏᓐᓄᑦ ᓲᕐᓗ ᓇᓗᓀᕐᑕᐅᒪᒻᒪᑕ ᑐᖕᖓᕕᐅᑎᓪᓗᒋᑦ ᓄᓇᕕᒻᒥᐅᑦ ᐃᓄᑐᐃᓐᓀᑦ ᓄᓇᓂᒃ ᐃᓐᓄᐃᓯᒪᓇᓱᒍᑎᒥᓄᑦ ᐊᖏᖃᑎᒌᒍᑎᐅᓯᒪᔪᓂ. ᑌᒣᒃᑲᓗᐊᕐᓗᑎᒃ, ᖃᐅᔨᓴᕐᓂᒥᒃ ᕿᒥᕐᕈᓂᕐᒥᒃ ᑎᓕᔭᐅᒪᒍᑎᐅᔪᑦ ᐊᑐᕐᑕᐅᖃᑦᑕᓚᖓᕗᑦ ᓲᓱᒋᔭᖃᑦᓯᐊᑐᓄᑦ ᖃᓄᐃᓘᕐᑎᐅᒍᑎᓂᓪᓗ ᐱᔭᑦᓴᖃᕐᑎᑕᐅᒍᑎᓂᓪᓗ ᑎᒥᐅᔪᑦ ᐃᓂᓪᓚᑕᐅᒪᒍᑎᖃᕐᑐᑦ ᐊᑐᕐᑕᐅᔪᓄᑦ ᓄᓇᓂᒃ ᐃᓐᓄᐃᒪᓇᓱᒍᑎᐅᑦᓱᑎᒃ ᐊᖏᖃᑎᒌᒍᑎᓄᑦ ᐃᓚᐅᒻᒥᑎᓗᒋᑦ ᑲᕙᒪᐅᔪᓪᓗ ᐱᓇᓱᒐᖃᕐᕕᐅᔪᓪᓗ ᑎᒍᒥᐊᕐᑐᑦ ᐱᔪᓐᓇᑎᑦᓯᒍᑎᒥᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐊᖓᔪᕐᖃᐅᒍᑎᓂᒃ ᐊᖓᔪᕐᖃᐅᒍᑎᑕᕐᑕᐅᒪᔪᓂᒃ ᐃᓕᖓᑎᓪᓗᒋᑦ ᖃᐅᔨᓴᕐᓂᓄᑦ. ᐊᒻᒪᓗᒋᐊᓪᓚᒃ ᑲᒪᒋᔭᐅᔪᑦ ᐊᐅᓚᑕᐅᓚᖓᕗᑦ ᐊᑐᕐᑕᐅᖁᔨᒍᑎᐅᔪᓄᑦ ᓲᓱᒋᔭᖃᑦᓯᐊᓂᕐᒥᓗ ᐱᔪᓐᓇᐅᑎᓂᒃ ᐊᒻᒪᓗ ᐊᖓᔪᕐᖃᐅᒍᑎᖏᓐᓂᒃ ᐊᓯᒥ ᓄᓇᒥ ᑭᓪᓕᐊᓂ ᓄᓇᖁᑎᓕᓐᓂᒃ ᓄᓇᓕᑐᖃᐅᑦᓱᑎᒃ (ᐊᓪᓓᑦ ᑯᔩᑦ, ᓈᔅᑳᐲᑦ, ᐊᒻᒪᓗ ᓄᓇᕗᒻᒥᐅᓗ ᓛᐸᑐᐊᕐᒥᐅᓗ ᐃᓄᑐᐃᓐᓇᖏᑕ ᓄᓇᖏᓐᓂ) ᓲᓱᒋᑦᓯᐊᓗᒋᑦ ᓄᓇᖁᑎᖏᑦ ᑖᒃᑯᓭᓐᓇᐅᑎᓪᓗᒋᑦ ᐅᓇᒻᒥᓱᐊᖃᑎᒌᕝᕕᐅᔪᑦ, ᓲᕐᓗ ᐅᖃᕐᑕᐅᒪᒻᒪᑕ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓂ ᐊᒻᒪᓗ ᓄᓇᕕᒻᒥᐅᑦ ᐃᓄᑐᐃᓐᓀᑦ ᓄᓇᓂᒃ ᐃᓐᓄᐃᓯᒪᓇᓱᒍᑎᒥᓄᑦ ᐊᖏᖃᑎᒌᒍᑎᖏᓐᓂ.